Future 3 – Per ina Svizra senza pesticids

Manifest da las Svizras e Svizzers che sustegnan l’iniziativa
«Per ina Svizra senza pesticids sintetics »

Nus, Svizras e Svizzers, independentamain da nossa professiun e da nossa orientaziun politica, essan conscients che:

  • Dapi ils onns 40 e dapi ch’il DDT vegn duvrà, èn blers pesticids sintetics vegnids producids e mess sin il martgà. A l’entschatta vegnivan els vis sco betg nuschaivels ma cun il temp èsi vegnì constatà che quai n’è betg vair.
  • Quests pesticids sintetics èn vegnids mess sin il martgà senza testar lur consequenzas a lunga vista per la sanadad e quant ditg ch’els restan en ils sistems natirals.
  • Quests products èn in privel per la sanadad dals purs. Ma ils purs sezs n’èn betg adina conscients da quai.
  • Var 80% da la biomassa d’insects èn svanids pervi dals pesticids sintetics e l’interacziun stretga tranter il terren, las plantas ed ils animals è periclitada. Quai è visibel empiricamain ed ussa era cumprovà scientificamain.
  • La crisa actuala da l’agricultura en Svizra e utrò è ferm liada cun l’agricultura industriala ch’è en stretg contact cun ils pesticids sintetics.
  • La Svizra, ch’è represchentada en blers secturs da l’auta tecnologia, ha la pussaivladad unica da daventar in leader per il diever dad alternativas da pesticids sintetics (mezs biologics, robotica euv.).
  • La Svizra è l’unic pajas en il mund, che ha politicamain la pussaivladad da manar ad ina midada da paradigma en l’agricultura e da daventar uschia in pionier e precursur.
  • La Svizra ha la pussaivladad da tscherner ina via che ha, en tut il mund, ina influenza decisiva sin il mantegniment da l’equiliber natiral e la sanadad da tut las generaziuns futuras.

Per quest motiv appellain nus a las Svizras ed als Svizzers da suttascriver l’iniziativa «Per ina Svizra senza pesticids sintetics» per garantir in auter avegnir a noss pajais e a noss planet.


www.future3.ch